Националниот парк ,,Плитвички Езера,, е еден од најстарите и најголемите национални паркови во Хрватска. Овие езера се наоѓаат во непосредна близина на патот кој ги поврзува Загреб и Далмација. Паркот изобилува со водопади, има дури 16 езера кои се каскадно распоредени и кои се познати по својата тиркизна боја. Богат е со шуми и разновиден растителен и животински свет, анајвисокиот водопад е 70 метри.
Регионот, каде се наоѓаат овие езера е објавен за национален парк на 8 април 1949 година, а од 1979 година бил вклучен во списокот на УНЕСКО на светското наследство. Се до 1958 година, регионот кај езерата не бил достапен, односно до нив се доаѓало единствено преку гората. Ова се сметало дека била и една од причините поради која овие езера биле многу малку посетувани. Така, Јосип Мовчан, кој бил раководител на тогашната управа на паркот, овој проблем го решил изградувајќи мостови од дрво. На тој начин не само што полесно се пристигнувало до езерата, туку се зголемиле и самите приходи кои доаѓале од туристите кои го посетувале ова место.
Националниот парк е дом на многу ендемични видови. Оние видови кои преовладуваат во езерата пред доаѓањето на човекот сè уште постојат.