Пријателскиот натпревар помеѓу Охрид и Струга Трим Љум не го дочека својот крајот, откако гостинска екипа се повлече и не го доигра натпреварот. Пред прекинот, второлигашот Охрид имаше водство од 1:0.
Охриѓани не реализираа најстрога казна од белата точка, а по еден вербален дуел, во кој беа инволвирани повеќе фудбалери, црвени картони во 60. минута заработија Митев за Охрид и Јахја во тимот на Струга Трим Љум.
Во 85. минута Охрид доби нов пенал, откако Александар Ристески во казнетиот простор го собори Виктор Наумоски. Прецизен од белата точка беше Љупче Трпески. Две минути подоцна, Трпески „поцрвене“ по дуелот со Марјан Алтипармаковски, а по непријателската атмосфера долу на теренот, тренерот на гостите, Срѓан Захариевски одлучи да ја повлече екипата.
Фото: ГФК Охрид Лихнидос
