Струга третпат сезонава е подобра од екипата на Скопје во натпреварите од Суперлигата. Вчера во првото коло од плеј-аутот екипата на Струга славеше со 30:25 (полувреме 15:13). Повторно “осмиот” играч на РК Струга навивачката група “Паткари” даваше одлична поддршка за нова трета победа оваа сезона на Танески и Мечкароски над колешките од спротивната страна Будимир и Алтхаус.
Најефикасен во Струга беше повторно Славе Јанковски со 7 гола, пред Жарко Бајрактаревиќ и Тодор Јанкуловски со по 6 реализации, ги следеше Никола Цветаноски со 5 голови. Кај Скопје, Александар Василевски со 8 голови беше најдобар.
