СПЛИТ / ХВАР – Многу сопственици носат кучиња и мачки со себе на одмор, но мачката што ја пронајде екипажот на траектот Јадролинија до Хвар ги шокираше нив и патниците. Имено, во кафезот на една приколка имало, ни помалку, ни повеќе, отколку – тигар, пишува портал од Далмација.
Јадролинија одговори под кои околности го качиле тигарот на траектот и што треба да имаат за овој вид превоз.
– Јадролинија не беше известена за транспорт на животното, туку за лично возило со приколка. Членовите на екипажот не се обврзани да ја прегледуваат содржината на приколката, доколку не е пријавен превоз на опасни материи и слично, и со цел да проверат дали се почитуваат сите безбедносни протоколи – стои во одговорот.
Како што неофицијално дознава далматинскиот портал, екипажот на траектот воопшто не знаеше како да пренесе тигар. Сопственикот ги прашал на половина пат од каналот дали може да ја подигне церадата на приколката за да влезе малку воздух. Кога ја подигнаа церадата, имаа што да видат, под церадата имаше тигар.
