Екипата на Јанта Волеј ја оправда фаворитската улога, па во финалето славеше над Вардар со 3:1 во сетови (25:18, 25:23, 20:25, 26:24) и го освои првиот трофеј во Купот на Македонија. Финалето се одигра во Струмица во спортската сала ,,Парк”.
Најефикасни кај победникот беа Стојановска со 13 поени, Серафимова исто така имаше 13 поени, пред Маројевиќ која реализираше девет поени. За Вардар ова е прв пораз во Купот на Македонија во последните две сезони.
