Продолжи сезоната во Бундес лига, но првичниот впечаток е многу чуден и невообичаен бидејќи се игра без присуство на публика, фудбалерите при постигнат гол треба да се придржуваат на растојание без гушкање, резервните играчи носат маски и се оддалечени два метри од себе, а судијата што е задолжен со семафорот за измена на играчи и покажување на време исто така носи маска.

Но тоа на теренот што се случува е сосема природна работа и дел од играта, па при жив зид играчите стојат еден покрај друг, а постојано во текот на играта има блиску растојание, дуел и контакт игра. Вчера највозбудлив натпревар од Бундес лигата беше Рурското дерби помеѓу Борусија Дортмунд и Шалке 04 на ,,Сигнал Идуна Парк”, каде што домаќините триумфираа со резултат од 4:0 со головите на Халанд, двоен стрелец беше Гереиро и еден гол постигна Азард.




