Коронавирусот е главен виновник за одложувањето на најголемиот дел спортски настани низ светот. Истиот случај е присутен и во Англија каде што се одложени првите четири професионални и повеќето аматерски лиги. Во овој „мртов“ период за секој фудбалски љубител, администраторите на Твитер профилите на неколку фудбалски тимови решија да си направат забавни игри.
Најпрво, Саутемптон му понуди на Норич меѓусебен дуел во популарната игра „икс-точка“. „Канаринците“ го одбија предизвикот, а на нивно место се приклучи Манчестер Сити. Двете екипи ремизираа во овој мега-дуел.
Другиот интересен предизвик го направија Хал Сити и Баер Леверкузен. Двете екипи решија да ги одмерат силите во популарната игра „поврзи четири“. Како победник излезе Хал Сити и ја запиша својата „трета победа во Европа“.



