Претпоследната станица од минатата сезона, Бахреин, ќе ја отвори новата сезона во Формула 1.
Имено, на интернационалната патека во областа Сахир, денес беа одржани првите овосезонски квалификации.
На нив, до пол-позицијата дојде Макс Ферстапен, кој ќе стартува од првото место по четврти пат во кариерата.
Холанѓанецот беше најбрз и на трите тренинзи пред квалификациите, а денес оствари време од 1:28,997.
Зад него се пласираше двоецот на ,,Мерцедес”, Луис Хамилтон (+0,338) и Валтери Ботас (+0,589), а од вториот стартен ред ќе стартува и Шарл Леклер (+0,681).
Во продолжение, во третата квалификациска сесија учествуваа уште: Пјер Гасли, Даниел Рикардо, Ландо Норис, Карлос Саинц, Фернандо Алонсо и Ленс Строл.
На дебито во својата нова средина, односно во тимот на ,,Астон Мартин”, не се снајде најдобро Себастијан Фетел, кој ќе стартува од осумнаесеттото место.
Позади него се пласираа само дебитантите Мик Шумахер и Никита Мазепин.
Од друга страна, најдобар новајлија беше единствениот пилот роден во 21. век, Јуки Цунода, кој со ,,Алфа Таури” го избори тринаесеттото место.
📸 Bryn Lennon/Getty Images
