Стефан Ристовки кариерата ја продолжи во редовите на Динамо Загреб, каде што пристигна од Спортинг Лисабон за сума од околу еден милион евра. Речиси четири години Ристовски ги бранеше боите на лисабонските Лавови.
Стефан Ристовски додека беше во Спортинг беше близок пријател со Бруно Фернандес, кој што на својот некогашен соиграч му испрати порака на ,,Инстаграм” која во целост гласи:
,,Жал ми е што твојата авантура заврши на ваков начин во клубот каде што ти секогаш даваше сè од себе, каде што секогаш ги ценеше вредностите на Спортинг. Ти си голем работник и многу искрен човек, секогаш подготвен да учиш од другите. Ти благодарам за сè што направи за овој клуб и за мене, ја заслужуваш оваа шанса да ја покажеш твојата вредност. Твојот успех ќе биде и мој успех“, му напиша Фернандес на видеото на Ристовски кое го објави на „Инстаграм“.
