Четвртиот натпреварувачки викенд од Светскиот куп во санкање на вештачки патеки се одвива во германскиот Винтерберг, а на денешната програма беше индивидуалното санкање во машка конкуренција.
После првата серија, Италијанецот Кевин Фишналер (51,957) го држеше првото место пред Феликс Лох (+0,030), Нико Глајршер (+0,059) и Јонас Милер (+0,091), кои заостануваа помалку од една десетинка. Заостаток помал од две десетинки имаа уште пет други санкачи.
Во втората серија, до победата дојде Лох (1:43,861), пред Нико Глајршер (+0,189) и братучедот на водечкиот од првото санкање – Доминик Фишналер (+0,202).
Позициите од четири до десет им припаднаа на: Јонас Милер (+0,202), Кевин Фишналер (+0,267), Јоханес Лудвиг (+0,297), Семјон Павличенко (+0,360), Александр Горбачевич (+0,386), Давид Глајршер (+0,412) и Рикс Кристенс Розитис (+0,501).
