Во рамките на СЕХА лигата во третиот меч сезонава екипата на Еурофарм Пелистер стигна до втората победа. Во текот на целиот меч Битолчани водеа и сосема заслужено стигнаа до висока победа против Татран Прешов со 28-16 (полувреме 11-7).
Прво име на Битолчани денеска беше голманот Хендави со 15 одбрани, додека во нападот блескаше босанското дуо Елмир Граџан со 7 и Јосип Периќ со 6 гола. Кај гостите од Словачка кои допатуваа со многу малку ракометари Рабек со 6 и Пачеко со 5 погодоци беа најефикасни.
