Петтиот овосезонски натпреварувачки викенд од Светскиот куп во алпско скијање во женска конкуренција беше одржан во францускиот Вал д’Изер. Истиот беше резервиран за првите брзински дисциплини сезонава, односно за првиот супервелеслалом.
До втората победа во кариерата, односно прва во денешната дисциплина, во Светскиот куп во алпско скијање стигна поранешната реномирана сноубордерка Естер Ледецка (1:24,64). Само три стотинки позади неа беше Швајцарката Корин Сутер, којашто на три трки во низа успева да ги заземе првите две места.
После нив следуваа двете Италијанки, Федерика Брињоне (+0,35) и Марта Басино (+0,46), а во една секунда се наоѓаа уште Лара Гут-Бехрами (+0,78), Петра Влхова (+0,84) и Софија Гоџа (+0,85).
