Втората трка од новата сезона на Светскиот куп во алпско скијање во женска конкуренција беше вториот слалом во Леви, Финска.
На него, исто како и на вчерашната трка, ,,кралица” на Лапонија беше Микаела Шифрин (1:52,21), која триумфираше по 76. пат во кариерата.
На второто место, поради одличната втора серија, се пласираше Венди Холденер (+0,28), која го освои јубилејниот триесетти подиум.
Третото место, по вторпат во два дена, го зазеде Петра Влхова (+0,68), а под една секунда заостануваше уште Лена Дир (+0,97).
Швеѓанката Сара Хектор (+1,42) ја освои петтата позиција, а по неа следуваа две Хрватки – Леона Поповиќ (+1,62) и Зринка Љутиќ (+1,79).
