Две од вкупно петте најквалитетни екипи на хартија во англиската Национална Лига се соочија во рамките на третото коло.
Имено, велшкиот Рексам ремизираше со 1-1 на полниот ,,Рејскурс Граунд” против Нотс Каунти.
Гостите од Нотингем поведоа преку Кајл Вутон (44′), кој со третиот овосезонски погодок, го дели првото место на листата на стрелците.
Во вториот дел, за Рексам со глава израмни Пол Малин (53′), кој стрелаше по вторпат сезонава, а минатата година постави рекорд со 32 голови во Лиг 2.
,,Имаше група луѓе, кои беа спремни да излезат и да нè вратат во мечот. Навивачите во публиката вечерва имаа огромен придонес.” – се огласи тренерот на Велшаните, Фил Паркинсон, во врска со поддршката од трибините.
Засега, двете екипи имаат по пет поени после три кола и се наоѓаат на седмата, односно на осмата позиција на табелата.
