Улрисехамн, втората овогодишна локација во Шведска во рамките на Светскиот куп во крос-кантри, беше домаќин на вториот тимски спринт во тековната сезона.
Во женска конкуренција, првите четири парови беа во само триесет стотинки. Имено, до победата дојде Словенија, претставена од Ева Уревц и од Анамарија Лампич (19:40,18).
На второто место се пласираа домашните скијачки Маја Далквист и Лин Сван (+0,18), а Швајцарија (Лорен ван дер Грааф и Надин Фендрих (+0,25)) со шест стотинки предност во однос на САД (Седи Мобет Бјорнсен и Џеси Дигинс (+0,31)) го комплетираше подиумот.
Кај мажите, Италијанците (Федерико Пелегрино и Франческо Де Фабијани) триумфираа по осми пат во историјата (18:29,11).
За првпат, на подиумот се пласираше Швајцарија (+1,1) составена од Јовијан Хедигер и од Роман Фуржер, а во фото-финиш, Шведска 2 (Карл-Јохан Вестберг и Јохан Хегстром), за две стотинки, им го зеде подиумот на Чесите (Лудек Селер и Михал Новак).
Во големото финале не се пласираа Русите, кои доживеаја пад во полуфиналето.
📸 Stanko Gruden/Agence Zoom/Getty Images
