Германскиот ски-центар, Гармиш-Партенкирхен, беше домаќин на шестиот овосезонски спуст од Светскиот куп во алпско скијање во машка конкуренција.
На него, до првата победа после 28 декември 2019 дојде Италијанецот Доминик Парис (1:33,81).
За него, ова беше 15. победа во спуст и вкупно 19. во Светскиот куп.
Второто место му припадна на водечкиот во поредокот на најбрзата дисциплина, Беат Фојц (+0,37), а Матијас Мајер ја освои третата позиција (+0,40).
За само две стотинки, подиумот му побегна на Макс Франц (+0,42), а под една секунда заостануваше и ветеранот Кристоф Инерхофер (+0,72).
Освен нив, во првите десет се пласираа уште: Карло Јанка (+1,02), Тревис Генонг (+1,10), Марко Одермат (+1,12), Даниел Хеметсбергер (+1,15) и Жоан Клери (+1,18).
📸 Hans Bezard/Agence Zoom/Getty Images
