За првпат во историјата на Светските првенства во крос-кантри во женска конкуренција, САД доби индивидуален златен медал.
Имено, во словенечката Планица, на трката на десет километри, најдобро време постави Џеси Дигинс (23:40,8), која влезе во аналите на американското скијачко трчање.
Останатите две места на пиедесталот и’ припаднаа на Шведска, односно на ,,сребрената” Фрида Карлсон (+14,0) и на ,,бронзената” Еба Андерсон (+19,5).
Пласманот во првите пет го комплетираа Норвежанките Ане Шерсти Калваа (+35,1) и Ингвилд Флугштад Остберг (+46,6), а под една минута заостануваа уште: Франческа Франки (+51,2), Пиа Финк (+53,2), Надин Фендрих (+55,6), Керту Нисканен (+56,6) и Маја Далквист (+58,5).
