Две потполно изедначени екипи, со по 28 поени и со гол-разлика од (-3) после дваесет средби, ги одмерија силите на ,,Боксинг деј” во рамките на 21. коло од англискиот Чемпионшип.
Станува збор за ривалите од Јоркшир, Барнсли и Хадерсфилд, кои беа изедначени и денес, но ,,само” до последните секунди.
Имено, веќе после дваесетина минути игра, двете екипи по еднаш ја затресоа противничката мрежа. Најпрво, Рармани Едмондс-Грин (13′), со својот дебитантски второлигашки погодок, му донесе водство на Хадерсфилд, а осум минути подоцна, Михал Хелик израмни на 1-1.
Овој резултат беше активен до последната минута, кога Хелик, со вториот гол на мечот, го комплетираше пресвртот на Барнсли и го однесе до десеттото место на табелата.
