Иван Чупиќ, еден од главните адути на Вардар, има една желба пред да го напушти Вардар, а тоа е пред полна сала да се прости од скопскиот ракометен гигант каде што игра веќе пет години. Хрватскиот репрезентативец ги минува последните месеци во редовите на ,,Црвено-црните” бидејќи по крајот на оваа сезона ќе се пресели во ППД Загреб. Желбата ја откри во интервју за хрватскиот лист „Спортске новости“.
,,Посакувам да се вратат навивачите на трибините за кога ќе дојде време да се каже збогум, да можам на убав начин да им се заблагорадам за сè што минавме заедно изминативе пет години. Ми недостасува енергијата од трибините која ни даваше сила. ,,Комити” се мојата најдрага публика и ќе ми биде многу жал доколку не добијам прилика да се простам со нив“ – истакна Иван Чупиќ.
