Читадела, на најдобар начин, успеа да се врати во колосек по изненадувачкиот пораз од Ентела со 1-0, така што, во заостанатиот натпревар од петтото коло, ја совлада Реџана со 0-2.
Домаќинот на овој меч нема забележано победа над Читадела уште од 12 март 2000, кога славеше со 1-0 во третата лига.
Стрелци на двата погодоци за гостите беа Федерико Проја (9′) и Роберто Огунсеје (65′).
Популарните ,,Лавови”, при денешниот пораз, останаа со десетмина на теренот, откако, во 60. и во 66. минута, Лука Ѕампаро заработи два брзи жолти картони.
За Реџана, ова беше четврти пораз во низа, односно петти последователен меч без постигнат погодок.
Лошата серија го спушти клубот од Емилија Ромања на 18. место, додека Читадела, со новите три поени, скокна на третото место на табелата на Серија Б.
📸 LAPRESSE
