Во првите шест дербија на далечниот Исток на КХЛ од тековната сезона, Амур Хабаровск и Адмирал Владивосток запишаа по три победи и по три порази.
Во седмиот меѓусебен дуел, односно прв во календарската 2023 година, Амур дојде до четвртиот триумф, славејќи со 3-1.
Домаќините поведоа во петтата минута преку Сергеј Дубакин, а само две минути подоцна, Николај Чебикин израмни на 1-1.
Сепак, на стартот на третиот период, Камерон Ли реализираше за нова предност на ,,Тигрите”, а судбината на претставниците на Владивосток ја запечати Владислав Барулин на деветнаесет секунди пред крајот.
Во Источната конференција, Амур скокна на деветтата позиција, додека Адмирал остана на седмото место.
