Заостанатиот натпревар од осмото коло од англиската Лиг 1 помеѓу Акрингтон Стенли и Бристол Роверс беше одигран денес на ,,Краун Граунд”.
Домаќините, кои воедно важеа за фаворити, славеа со убедливи 6-1. За нив, ова беше прва домашна победа над Бристол Роверс после 30 јануари 2016, кога триумфираа со 1-0.
Имено, уште на полувремето Акрингтон имаше убедливо водство од 4-1, стекнато со двата голови на Дион Чарлс (12′, 17′) и со по еден гол на Џоу Причард (8′) и на Колби Бишоп (28′).
Во меѓувреме, Роверс успеаја да покажат ,,заби” само на стартот, кога Сем Николсон (11′) израмни на 1-1.
Во вториот дел, Бишоп (48′) погоди по вторпат на мечот, а Чарлс (70′) го постави конечниот резултат. За Северноирецот, ова беше прв хет-трик во црвениот дрес и воедно петти погодок на последните три средби.
Петтиот пораз на последните шест натпревари ги спушти Роверс до дваесеттото место на табелата, односно на само гол-разлика од ,,црвената” зона.
Од друга страна, Акрингтон е без пораз на три меча во низа и се наоѓа на прагот на плејоф-зоната.
📸 Twitter: Accrington Stanley FC
