Минатата сезона, под водство на Французинот Валериен Исмаел, англискиот второлигаш Барнсли се пласираше во плејофот за влез во Премиер лигата.
Сепак, на крајот на сезоната, Исмаел премина во ВБА, а со себе го понесе и столбот на средниот ред – Алекс Моуат.
Како замена за францускиот стратег беше назначен Австриецот Маркус Шоп, кој на 1 ноември доби отказ поради негативната серија од тринаесет средби без победа, односно од седум врзани порази.
На местото на Шоп, од денес, официјално,е донесен Швеѓанецот со иранско потекло, Поја Асбаги, заедно со неговиот помошник – Феран Сибила.
Асбаги ја започна тренерската кариера во Шведска, како асистент и главен менаџер на Далкурд, а потоа ги предводеше Гефле и Гетеборг.
Во 2021, односно пред да се пресели во јужен Јоркшир, Асбаги беше на челото на шведската У21 репрезентација, која после седум средби го зазема првото место во групата Ф во квалификациите за претстојното Европско У21 првенство.
„Им посакуваме добредојде во клубот на Поја и на Феран. И двајцата се добри луѓе, талентирани тренери со јасен лидерски став и со тактичка филозофија.“ – се огласи извршниот директор на Барнсли – Калед Ел-Ахмад.
