Индија и Англија денес ја стартуваа новата меѓусебна интернационална серија во Т20 крикет.
Истата започна со триумф на Англичаните од 124/7 (20) – 130/2 (15.3).
Во првиот ининг, од Индијците, најефикасен беше Шрејас Ијер со 67 ранови.
Од англиските фрлачи, најмногу се истакна Џофра Арчер со учинок од 3-23.
Во вториот ининг, на партнерството на прв викет, Џејсон Рој и Џос Батлер комбинираа 72 поени.
Накрај, Рој го заврши мечот со 49, а Батлер со 28 поени. Освен нив, поентери за Англија беа Давид Малан (24) и Џони Беирстоу (26).
Од фрлачите на Индија, по еден викет освоија Вашингтон Сундар (1-18) и Јузвендра Чахал (1-44).
Наредниот меч, двете селекции ќе го одиграат во недела со почеток од 14.30 часот по македонско време.
📸 Surjeet Yadav/Getty Images