Наташа Андонова во рамките на женската фудбалска Примера настапи за Леванте на гостувањето против Депортиво Ла Коруња и нејзиниот тим дојде до супер важна победа од 1:3 која ги искачи на второ место на табелата со освоени 37 бода, само два бода помалку од првопласираната Барселона.
Леванте на полувреме водеше со 0:2 со головите на Гонзалез Родригез и Редондо Ферер. Андонова влезе во игра на стартот на второто полувреме и во 87 минута и асистираше за гол и краен резултат од 1:3 на Гонзалез Родригез. Наташа Андонова со оваа асистенција помогна да се дојде до нови три бода, а таа ја запиша втората асистенција во првенството.