Адмирал Владивосток ги надминува сите очекувања во досегашниот дел од регуларната сезона на КХЛ.
Имено, претставниците на крајниот Исток се наоѓаат на високото четврто место во Источната конференција и денес славеа над Трактор Чељабинск со минимални 1-0.
За Трактор, ова беше втор пораз во два дена од истиот ривал во кој не успеа да постигне ниеден погодок со што падна на осмата позиција.
На денешната средба, голманот на победничкиот состав, Никита Серебрјаков, запиша 33/33 одбрани и дојде до третиот шут-аут во сезоната.
Од неговите соиграчи, единствен што ја затресе мрежата на Илја Проскурјаков беше Артјом Гарејев на стартот на третата третина.
