Во рамките на 11 коло од Прва ЖФЛ се одигра градското дерби во Битола иако натпревар со висок интензитет и борба на теренот помина во фер и коректна игра од двете страни.
Условно кажано домашната екипа на ЖФК Атлетико дојде до супер важна победа од 3:1 на полувреме беше 1:0 и се избори за нови три бода на табелата. Натпреварот со водство го отвори Вучева Тиана со гол во 19 минута и со овој резултат од минимални 1:0 се замина на полувреме.
Вториот дел за само четири минути се чини беше решен победникот, кога најпрвин Јована Павловска во 57 минута го имаше потегот на натпреварот кога на атрактивен начин се ослободи од противничките играчи и потоа топката ја заби за 2:0.
Тројното водство дојде во 61 минута со голот на Тамара Стерјовска за 3:0. До крајот екипата на ЖФК Топ Гол се обидуваше да се врати во игра и нивниот труд се исплати само со постигнат еден почесен гол во 86 минута преку Јанковска Теодора за конечни 3:1.



