Во фер и коректен натпревар во рамките на осмо коло од Прва ЖФЛ во Тетово домашната екипа на ЖФК Љуботен стигна до победа над екипата од ЖФК Борец од Велес со резултат од 3:1 на полувреме беше 1:0.
Новите три бода дојдоа по постигнатите погодоци на Јулија Живиќ која е во животна форма и на секој натпревар е на листата на стрелци, а овој пат постигна два гола, додека еден гол е дело на Дренка Ајдини.
Секој натпревар е важен и секој бод е пресуден бидејќи на крај на сезоната првите осум екипи остануваат во прволигашка конкуренција, додека останатите седум клуба ќе играат од наредна сезона во втора лига која ќе се игра за прв пат во историјата на женскиот фудбал.



