Dj Todoroff ја издаде 15-тата по ред ЦД микс компилација во неговата 25 годишна музичка кариера. Микс компилацијата е традиционално издавана секоја година, веќе 15 години по ред, a oбожавателите на house music, tech house и deep house музичките жанрови го имаат задоволството да ја добијат на подарок и оваа година. Микс компилацијата се содржи од нумери кои што тој ги презентира на своите настапи низ целата држава. Иако кризата со Ковид-19 го намали интензитетот на музиката и музичките настапи на музичарите ширум светот, тоа не го спречи Dj Todoroff да твори и да го создаде ова децениско дело.
Со големо задоволство, по 15-ти пат ја подарувам мојата работа на сите љубители на добрата музика. Мојата диџејска кариера е во подем веќе 25 години, од кои веќе 15 години ја создавам оваа ЦД микс компилација, под препознатливиот назив Express yourself. Задоволството е огромно кога знам дека некој ја почитува и сака мојата работа, секојдневно докажувајќи ми го тоа на моите настапи и социјалните мрежи. Токму затоа, низ годините, традиционално, создавам едно мало парче музика со огромно значење за мене, посветено за сите мои фанови, изјави Dj Todoroff.

Тој во неговата 25-годишна кариера има работено како интернационален ДиЏеј и продуцент во Грција, Франција, Шпанија, Италија, Албанија, Бугарија, Дубаи, Абу Даби, Катар, Косово и Македонија, а има настапувано на едни од најголемите фестивали, како што се Kalabalak, Greatest Hits, Tomorrowland Edition in Mcacedonia, Polin Beach Festival, Relive Heineken Festival. Неговата соработка со звучните имиња е богата и изобилува со богата музичка биографија. Има соработувано со Deninis Cruz, Roger Sanchez, Tom Novy, Pacho and Pepo, Yana Paisley, Christian Desnoyers Music, Clubbers Radio (Malaga/Spain), Karma Lounge Music, Kalphouse Radio, Rafa Barrios(Sevilla/Spain), Anthonis Pavlidis (Extreme Radio Greece), Kiki Botonaki (Fly Radio Greece) и многу други.
Dj Todoroff по ова јубилејно издание, на задоволство на неговите поддржувачи и фанови, најави дека го подготвува неговото ЕП издание кое што наскоро ќе биде издадено под палката на Klap House Records од Наполи, Италија. Тој е докажан македонски квалитет, кој што продолжува со соработката и создавањето на квалитетна музика.
Другари, без размислување освен тоа што го донирав, сакам да ве известам дека 50 цедеа со почетна цена од 100 ден. ќе може секој да си купи со тоа што сите собрани средства ќе ги донирам ЗА ЦОБЕ!Можеме сите заедно… За Цобе !



