Ниту новиот тренер на клупата на Работнички не донесе позитивен резултат во 25. коло од Првата МФЛ. На стадионот во Ѓорче Петров против Македонија, во градското скопско дерби ,,Романтичарите” одиграа реми со резултат од 1:1, а головите ги постигнаа Кировски за тимот на Македонија ЃП и Шаркоски за тимот на Работнички.
Фаворитите во ова коло одиграа без грешка и ги освоија трите бода, а најубедлив беше лидерот на табелата, односно Шкендија убедливо ја совлада Победа со резултат од 5:2. Погодоците во победничкиот табор ги постигнаа: Алими, Бејтулаи, Тотре, Радески и Жуниор, додека за прилепчани стрелаа успешно Јаник и Трајкоски.
Во преостанатите два натпревари каде имаше изразити фаворити, скопските црвено-црни им беше доволен погодокот на Цветановски за да дојдат до победа од 1:0 над Силекс, а Академија Пандев со минимални 2:1 ја совлада на Ренова, со погодоците на Дориев и Стоилов, а стрелец за Ренова беше Мустафов. Кикс направи и Шкупи каде загуби во Струмица од Беласица со 2:0 во борба за висок пласман.



