Поранешниот селектор на младата репрезентација на Македонија, Добринко Илиевски – Пижон е именуван за нов тренер на второлигашот Кит-Го од Пехчево. По оставката на Трајче Сенев, раководството на Кит-Го се одлучи да донесе звучно фудбалско име за нов предводник на тимот. На првиот тренер ќе му асистира Александар Танчевски, поранешен тренер на Струга Трим Лум и помошник тренер во репрезентацијата на Македонија до 21 година.
Добринко Илиевски – Пижон во својата тренерска кариера, покрај репрезентацијата до 21 година, беше селектор и на репрезентациите до 17 и до 18 година. Последна негова функција е селектор на националниот тим до 15 години од каде што од се сели во пехчевски Кит-Го. Во минатото беше шеф на стручниот штаб на Брегалница и Тетекс, а беше прв асистент на Илчо Ѓорѓиоски на клупата на Македонија ЃП и Вардар во периодот од 2009 до 2012 година.



