Женската репрезентација на Македонија го доби првиот меч од пресметката со Албанија и поведе со 1:0 откако Магдалена Стоилковска по 2 часа и 33 минути игра ја совлада Кристал Дуле со 2-1 во сетови (67(5), 62 75). Со овој поен Македонија поведе во дуелот со Албанија.
Првиот сет почна со по еден брејк на двете тенисерки, а Стоилковска поведе со 3:1 во гемови, но противничката направи серија од три гема за водство од 4:3. До крајот ниту една тенисерка немаше предност од повеќе од еден гем. Во тај брекот нрешено беше до 4:4 на поени, а потоа Дуле прва освои три поени што беше доволно за да го добие првиот сет во тај брекот беше 7:5 на поени.Во вториот сет Стоилковска поведе со 3:0, а потоа водеше и со 5:1 за сетот да го заврши со 6:2 и да изедначи на 1-1 во сетови.Во решавачкиот сет Албанката Дуле поведе со 3:1 во гемови, но следуваше серија од четири гема за Стоилковска и предност од 5:3. Сепак противничката изедначи на 5:5, но со нов брејк Стоилковска поведе со 6:5, а потоа го реализираше и гемот на свој сервис за 7:5.
Женската тениска репрезентација на Македонија го првиот дуел од годинашново издание на Третата Европска зона на Били Џин Кинг купот што се игра во Скопје. Во дуелот од Б групата Македонија ја совлада Албанија откако поведе со 2:0 и мечот во двојки нема да има влијавие на победникот. Во вториот меч нашата најдобра тенисерка Лина Ѓорческа со 2-0 во сетови (60 62) ја совлада Греши Бајри. Мечот траеше 46 минути.
Првиот сет Ѓорческа го освои на доминатен начин без противничката да освои гем, со максимална реализација на брејк топките 3/3. Во вториот сет имаше нешто повеќе одиграни поени, а по водството на Лина од 2:0 Бајри освои гем за 2:1, а потоа Ѓорческа освои три гема за 5:1, за повторно албанската репрезентативка да освои гем и сетот да заврши со 6:2. И во овој сет Ѓорческа имаше максимална реализација на брејк топките 2/2.
Во мечот во двојки за Македонија играат Александра Симева и Ива Данева, а за Албанија Греши и Бајри.




