
Поранешната светска тенисерка број 1, Симона Халеп, за 66 минути ја елиминира Црногорката Данка Ковиниќ од Австралијан Опен.
Романката триумфираше над Ковиниќ со убедливи 2-0 или по сетови 6-2, 6-1 за пласман во осминафиналето.
Во првиот сет, Ковиниќ изгуби три гема на свој сервис, но успеа да направи еден брејк.
Сепак, во втората партија, Халеп беше незапирлива со три брејкови и ја искористи својата прва меч-топка.
Билансот на винери (19-11) и на неизнудени грешки (17-25) одеше во прилог на Халеп што беше доволно за да се обезбеди посакуваниот триумф.
Во осминафиналната фаза, романската тенисерка ќе се соочи со Ализе Корне, која, со 2-1, ја порази Словенката Тамара Зиданшек.




