21-годишната Хана Неисе го доби првиот олимписки медал и стана новата шампионка во скелетон.
Германката (4:07,62) беше дури осма после првата серија, но до насловот дојде со најдобрите изданија во наредните три обиди.
На второто место, со сребро се закити Џеклин Наракот (+0,62) од Австралија, која исто така дебитираше на олимпискиот пиедестал.
Актуелната европска првенка и освојувачка на Светскиот куп, Холанѓанката Кимберли Бос (+0,84), успеа да стигне до бронзата, иако, исто како Неисе, потфрли во првата серија.
Во продолжение, во првите пет се пласираа уште Германката Тина Херман (+1,11) и Канаѓанката со бугарско потекло – Мирела Рахнева (+1,53).
