Maкедонските ракометари играат одлична сезона во лигите низ Европа во кои настапуваат. Тимот на www.javisejuzna.mk направи преглед на поголем дел од нив колку тие погодуваат и каков е нивниот процент на реализација.
Убедливо најефикасен македонец е стружанецот Никола Костески кој годинава игра во втората Австриска лига во тимот на Холабрун кој успеа да избори плеј-оф и шанса да се бори за пласман во најсилната лига. Тој успеа да ја одржи одличната форма и оваа сезона каде има дадено 106 голови на 17 мечеви или просек од преку 6,24 гола по меч. Процентот на реализација му е истотака одличен 88,33% (106 голови од 120 удари).
После Костески на листата на најдобри стрелци е десното крило Владимир Темелков кој сеуште не старее и со 100 гола на 17 натпревари или 5,88 по натпревар во првенството на Луксембург за тимот на Каерјенг има одлична сезона.
Потоа на листата на најдобри македонски стрелци во Европа е десното крило Мартин Поповски кој игра во најсилната Швајцарска лига со 68 голови на 23 меча или просек од 2,95 голови по натпревар.
После овие двајца на третото место доаѓаат Жарко Пешевски и Тоше Ончев со по 65 голови. Пешевски има постигнато 65 голови на 23 меча во Најсилната лига на светот Бундеслигата со процент на реализација од 66,33%.
Македонецот Тоше Ончев сезонава игра одлично во тимот на Тримо Требње од Словенија и досега има постигнато 65 голови на 16 мечеви или 4,06 по натпревар.
После нив следи десниот бек Влатко Митков кој игра во тимот на Холабрун заедно со Костески. Митков има постигнато 63 голови сезонава на 17 мечеви или просек од 3,71 гол по натпревар.
Селекторот Кире Лазаров со 42 години кој игра во тимот на Нант во најсилната француска лига сезонава има 53 гола на 19 меча или просек од 2,79 гола по натпревар.
После Лазаров на листата на најефикасни е уште еден наш репрезентативец кој игра во најсилната лига на светот – Филип Кузманоски. Кузманоски оваа сезона има постигнато 47 голови на 21 натпревари со просек од 62,67%.
Мора да напоменеме дека на оваа листа фали фантастичниот Дејан Манасков кој лани имаше 111 голови на 21 натпревар во унгарската лига во тимот за Веспрем. Но годинава поради повреда е спречен да го повтори тоа достигнување.
