Финалето на фрлање диск во машка конкуренција на ЛОИ 2020 помина целосно во знакот на Шведска.
Имено, од оваа скандинавска држава потекнуваат новиот олимписки шампион и новиот олимписки вицешампион во оваа дисциплина.
До победата дојде актуелниот светски шампион и најдобриот фрлач сезонава, Даниел Стол, кој го ,,лансираше” дискот цели 68,90 метри.
Неговиот сонародник, Симон Петерсон, беше пократок за еден и пол метар, односно фрли 67,39 метри и го освои среброто.
Првиот олимписки медал во фрлање диск за Австрија го донесе Лукас Вајсхајдингер со дистанца од 67,07 метри.
Австралиецот Метју Дени (67,02) го загуби пиедесталот за само пет сантиметри, но сепак постави свој личен рекорд.
На петтата позиција се пласираше Словенецот Кристјан Чех (66,37), иако беше втор фаворит за титулата според овосезонските резултати.
