Меѓународната фудбалска федерација (ФИФА) му изрече казна на Челзи за забрана на купување на фудбалери во период од една година или во превод во два преодни рока, а освен тоа и го казнија клубот со 600.000 швајцарски франки поради незаконско и неправилно ангажирање на млади фудбалери од странство под 18 години.
На крајот на сезоната договорите им завршуваат на стоперот Гери Кејхил, францускиот напаѓач Оливие Жиру и на резервниот голман Вили Кабалјеро. На лето во своите клубови треба да се вратат Матео Ковачиќ и Гонзало Игуаин во Реал Мадрид односно Јувентус затоа што до тогаш им трае позајмицата.
Има фудбалери кои професионалните обрски кон клубот од Лондон им завршуваат во летото 2020 година, а тоа се следните првотимци: Еден Хазард, Вилиан, Калум Хадсон Одои и на Педро Родригез, а данскиот млад стопер Кристенсен не е задоволен од минутажата, па може да се случи Челзи да остане без овие квалитетни играчи и без пола тим, а при тоа не може да купи засилувања.



