Вечерва на ,,Енфилд Роуд” ќе се соочат Ливерпул против Баерн Минхен, две екипи кои во последно време имаат се повеќе проблеми со повредени фудбалери и тренерите до последен момент ќе имаат енигма на кои играчи ќе можат да сметаат за настап.
Црвените од Енфилд имаат поискусен менаџер кој го знае во детали германскиот фудбал како и случувањата во најдобриот бундеслигашки тим, додека Ковач постојано го следат проблеми и е под притисок од јавноста дека не е адекватно решение за клупата на баварците, а ова му е шанса да ги замолчи сите критичари и му е потребна добитна комбинација во претстојниот двомеч.
Баерн Минхен е тим кој во последните неколку сезони е во самиот европски врв, но му фалат ситни детали да се искачи на тронот. Предноста за Ливерпул е во нивниот менаџер, фантастичната публика зад себе, пресингот и троецот во нападот и ако сакаат пласман во наредна фаза ќе им биде потребно на првиот меч да изборат што подобар резултат пред реваншот во Минхен.
Баерн Минхен е во нагорна форма што се однесува до резултатите во домашниот шампионат и се на три бода од Борусија Дортмунд, а во фазата по групи во најелитното натпреварување имаа рутински пат до 1/8 финалната фаза. Ако на првиот меч во Англија изборат поволен резултат на реваншот ќе имаат големи шанси на свој терен да го заверат пласманот во 1/4 финалето.
Во вториот вечерашен натпревар Олимпик Лион на свој терен ќе ја нагости Барселона. ,,Лавовите” од Лион веќе во групната фааа со триумфот над Манчестер Сити покажаа дека се екипа која може на секој тим да се спротистави и дека не признава фаворити.
Лион на домашен терен заедно со подршката од трибините ќе имаат за цел барем минимален триумф над каталонскиот тим и во реваншот да имаат надеж дека имаат рамноправни шанси за пласман во наредна фаза.
Барселона ја темпира формата токму за овој дел од сезоната кога има згуснат распоред на натпревари и се бори на неколку фронта и затоа се тим кој е фаворит за највисок пласман. Каталонците освен што имаат фантастично напаѓачко трио има и голман кој е во врвна форма и кој ги воодушевува присутните гледачи на секој меч со своите бравурозни одбрани.
На крај ако средниот ред си ја заврши својот дел од работата на терен, тогаш Барселона со крупни чекори уште на првиот меч ќе ги разреши сите дилеми кој ќе биде подобриот во овој двомеч. Освен тоа се очекува атрактивна игра која ќе ги задоволи сите навивачки вкусови.



