Екипата на Едмонтон Оилерс, на гостински терен, успеа да ги совлада фаворизираните Далас Старс после продолжение. Најпрво, во втората третина, Едмонтон стигна до водство од 0-1 со голот на Рајан Нуџент-Хопкинс. За Канаѓанецот, ова беше вкупно шестоти натпревар во НХЛ и дваесетти погодок сезонава. Во третата третина, Далас израмни преку Јон Клингберг, а во втората минута од продолжението, Алекс Кисон му ја донесе победата на Едмонтон со „пауер-плеј“ гол. Кисон стана вкупно седумдесет и вториот играч во историјата на Едмонтон кој постигнал погодок во продолжението. Освен стреците, најзаслужен играч за победата на Оилерс беше голманот Мико Коскинен. Финецот, кој беше поранешен голман на СКА, забележа вкупно четириесет и две одбрани. Водечкиот поентер во лигата, Леон Драисатл, запиша една асистенција на овој натпревар. Во оваа сезона, Германецот запишал најмалку еден поен на педесет и пет натпревари, а неговиот тим во тие натпревари има учинок од 36-14-5. Доколку продолжи со оваа серија, Драисаитл би постигнал 132 поени сезонава што би било најмногу уште од сезоната 1995/96 кога Марио Лемие и Јаромир Јагр постигнале 161 однсоно 149 поени во дресот на Питсбург Пенгуинс.
За Едмонтон, ова беше трета победа во низа којашто го искачи на петтото место на табелата во Западната конференција. Далас е третопласиран со само два поени предност во однос на денешениот соперник.



