Во рамките на второто коло на Серија А, се одигра големото дерби помеѓу екипите кои претендираат за шампионскиот трон Јувентус и Наполи кој заврши во корист на домаќините со резултат од 4:3. ,,Старата Сама веќе до 62 минута имаше убедливо водство од 3:0 со погодоците на Данило, Игуаин и на Роналдо.
Сепак тука не беше крајот на возбудувањата затоа што Карло Анчелоти ги погоди вистинските замени и со влегувањето во игра на Лозано и на Елиф Елмас гостите ја вратија својата препознатлива игра и стигнаа во еден момент и до нерешен резултат од 3:3 со головите на новите имиња во тимот, Манолас, Лозано и Де Лоренцо. Шампионот успеја на крај во последниот напад да стигне до победа од 4:3 со автоголот на Кулибали. Елиф Елмас се прикажа во одлично издание и при тоа заработи и жолт картон.



