Под водство на старо-новиот тренер Веселин Вујовиќ, македонскиот ракометен првак Вардар вчера го имаше првиот официјален тренинг во пресрет на новата сезона.
„На првиот тренинг сите го одработија своето. На првиот собир секогаш некои се подобро подготвени, а некои полошо. Но, како и да е, атмосферата е позитивна и има амбиент за добра работа. Кога станува збор за Вардар интересот е секогаш голем, ова е македонски бренд. Не очекува тешка задача бидејќи од нас се очекува да се бориме за трофеи. Јас, играчите кои ги избрав и сите останати ќе мораме да дадеме се од себе. Веќе им реков, можат да ме сакаат или мразат, но додека јас сум тука, ќе мора да покажат дека заслужуваат да го носат дресот на Вардар. Се надевам дека играчите кои ги избрав ќе ги оправдаат очекувањата. По тренинзите во Скопје одиме на подготовки во Златибор. Не очекува и добар натпревар против Еурофарм Пелистер во Суперкупот, ќе играме на Струшкиот турнир и на ‘Хумел’ турнирот во Магдебург. По ова ни следува двомечот со Загреб. Нам ни одговара што гостуваме на вториот меч, бидејќи по победата одиме директно во Задар на завршниот турнир“
