Во рамките на 31. коло од англискиот Чемпионшип, Вотфорд го совлада Дерби Каунти со 2-1 и со тоа оствари двојна победа во една сезона над реномираниот ривал за првпат во својата историја.
,,Стршлените” дојдоа до триумфот со два брзи погодоци во првото полувреме.
Имено, мрежата на Дејвид Маршал ја затресоа Жоао Педро (19′) и Вил Хјус (21′), по две грешки на дефанзивците на Дерби.
Во вториот дел, гостите од Источен Мидлендс ја презедоа иницијативата, но сè што успеаја да направат беше да го исфорсираат противничкиот дефанзивец, Вилијам Троост-Еконг, да постигне автогол (77′).
Со третата врзана победа и со новите три поени, Вотфорд скокна до третото место, со натпревар повеќе во однос на конкурентите, додека Дерби е седумнаесетти со шест поени предност во однос на ,,црвената” зона.
📸 Twitter: Derby County