Серијата од два врзани порази на Индијана Пејсерс беше прекината синоќа со триумфот од 95-104 над Голден Стејт Вориорс.
За Вориорс, ова значеше прекин на позитивната серија од две победи за вкупен учинок од 6-5, доволен за осмото место на Западот.
Имено, Голден Стејт имаше контрола на резултатот речиси цел натпревар, освен во завршните минути кога Индијана ја презеде клучната иницијатива.
Од победничкиот состав, тројца кошаркари запишаа дабл-дабл: Мајлс Тарнер (22 поени и 12 скокови), Домантас Сабонис (18 поени и 14 скокови) и Арон Холидеј (16 поени и 12 асистенции).
Во домашниот состав, по 22, односно по 20 поени уфрлија Ендру Вигинс и Стеф Кари.
📸 Indy Star
