На 1 февруари 2019, во Оберстдорф (Германија), Словенецот Тими Зајц ја оствари првата победа во Светскиот куп во својата кариера.
Денес, после три години, на истото место, Зајц дојде до својот втор триумф, иако беше седми после првата серија.
Второто место го зазеде лидерот после првиот дел, Пјотр Жила, а третопласиран беше вчерашниот победник – Штефан Крафт.
,,Сребрениот” од саботното натпреварување, Жига Јелар, денес се искачи на четвртата позиција, а пласманот во топ 5 го комплетираше Јохан Андре Форфанг.
Рјоју Кобајаши и Давид Кубацки следуваа на наредните две места, а до најдобриот пласман во кариерата стигна Финецот Еету Ноусијаинен на осмата позиција.
Најдобри претставници на домашната нација беа Маркус Ајзенбихлер и Карл Гајгер, кои го поделија деветтото место.
