Триесет и третото коло од англискиот Чемпионшип беше затворено со дербито помеѓу Вотфорд и ВБА.
Овој дуел заврши со 3-2 во корист на Вотфорд, кој стигна до трите бода во завршницата.
Имено, ,,Стршлените” го искористија своето трето водство за конечен триумф, кој дојде со автоголот на Ерик Питерс (78′) по шутот на Кен Сема.
Воедно, Сема (23′) се запиша во листата на стрелците и во првото полувреме за почетно водство на својот тим, а освен него, прецизно биеше и Исмаила Сар (66′) за провизорни 2-1.
За гостите од околината на Бирмингем, првиот пат реми донесе Конор Таунсенд (56′), а вториот – Џед Волас (71′).
На табелата, Вотфорд остана во плејоф-зоната на петтото место, додека ВБА падна на десеттата позиција.
