Северстаљ Череповец го запиша шестиот пораз на последните седум средби, откако денес, после продолжение, загуби од Витјаз Подолск со 2-3.
Гостите упатија единаесет шутеви во првата третина, кои беа доволни за да се дојде до предност од 0-2 на првата пауза.
Северстаљ, поради примените погодоци, го извади од игра голманот Владислав Подјаполски, чијашто мрежа, во два наврати, ја затресе Степан Старков.
Со Дмитри Шугајев на својот гол, домаќините добија сигурна задна линија и во наредните две третини постигнаа по еден погодок за да изборат продолжение.
Во листата на стрелците од тимот од Череповец се запишаа Кирил Пилипенко и Јоонас Натинен.
Во дополнителниот период, Витјаз упати само еден шут, кој беше успешно реализиран од Миро Аалтонен за конечен триумф.
И покрај победата, ,,Црвените” останаа на претпоследната позиција на Западот, додека Северстаљ го зазема петтото место.
