Во периодот од 15 декември до 3 јануари во ,,Александра Палас” во Лондон, се одржа јубилејното триесетто Светско првенство во пикадо.
На него, до првата светска титула во кариерата дојде миленикот на домашната публика – Мајкл Смит.
Смит влезе на првенството како вицешампион, губејќи на последната препрека во 2019 и во 2022, а воедно и како главен фаворит со оглед на фактот дека се наоѓа на првото место на светската ранг-листа.
Во големото финале, Англичанецот го совлада трикратниот првак, Мајкл Ван Гервен, со 7-4.
Смит, воедно, беше и единствен играч со популарниот ,,9-дарт финиш” во финалниот меч, при што имаше просек од 100,87 поени по три стрелки и вкупно 22 уфрлени 180-ки.
Со оглед дека пикадото е еден од најпопуларните спортови во Англија, публиката падна во делириум по неговата освоена титула.
