Трактор Чељабинск ја израмни четвртфиналната серија против Салават Јулаев Уфа на вкупни 2-2.
Во четвртиот меѓусебен натпревар, ,,Мечките” славеа на гостински терен со резултат карактеристичен за тениски тај-брејк, односно со убедливи 1-7.
Првата третина ја одбележаа двојниот стрелец за Трактор, Томаш Хика и единствениот голгетер за Салават – Алексеј Пустозјоров.
Во наредните два периоди, клубот од Чељабинск ја затресе противничката мрежа уште пет пати, благодарение на: Ник Бејлен, Сергеј Телегин, Витали Кравцов, Алексеј Бивалцев и Кирил Капустин.
