Торонто Мејпл Лифс дојдоа до водство од 3-2, совладувајќи ги Тампа Беј Лајтнинг со 4-3 во петтиот меѓусебен осминафинален дуел.
Актуелните шампиони стекнаа водство од 0-2 преку Стивен Стамкос и преку Виктор Хедман во првите шест минути, но до третиот период следуваше целосен пресврт.
Имено, Торонто го врати водството на своја страна, откако мрежата на Андреј Василевски ја затресоа Џон Таварес, Морган Рајли и Вилијам Ниландер.
До крајот, Рајан МекДонах израмни на 3-3, а конечен триумф на канадските претставници им донесе најдобриот клупски стрелец – Остон Метјус.
