Вардар со нова одлична игра славеше против Еурофарм Пелистер во натпревар од Суперлигата со 30:25. Ова беше втора победа за Вардар над “лутиот” ривал за кратко време после таа во натпреварот од Суперкупот.
Прво име во тимот на Вардар беше голманот Мартин Томовски кој блескаше со 13 одбрани, а од нив 4. беа одбранети седмерци.
Во нападот на Вардар најефикасни беа Милан Лазаревски и Марко Срдановиќ со по 6 гола, додека кај Еурофарм Пелистер, Урош Борзаш имаше 6 гола, пред Цветан Кузманоски и Ненад Костески со по 5 погодоци.
